Google ADS

Në fshatin Dardhë të Korçës ra 70 cm borë

09:37 | 12 Dhjetor 2021
Përparim Bublaku

Reshjet e dëborës që ranë gjatë mbrëmjes së të shtunës në Korçë kanë krijuar vështirësi për qarkullimin e mjeteve në disa segmente rrugore. Rrugët nacionale të juglindjes janë të hapura dhe lëvizja e mjeteve bëhet normalisht.

E kalueshme me zinxhirë është vetëm rruga Boboshticë-Dardhë ku trashësia e borës ka shkuar në 70 centimetra.

Autoriteteti Rrugor apelon që mjetet e vogla duhet të jenë të pajisura me zinxhirë për të kaluar në këtë segment. Në rrugën drejt Voskopojës ku ka rënë mbi 15 cm borë qarkullohet pa probleme.

Si pasojë e motit të keq kanë mbetur pa energji disa fshatra në Moglicë dhe Gore të Bashkisë Maliq. /tvklan.al

Shpërndaje në rrjete sociale

Lajmet më të lexuara

Të ngjashme

Foto lajm